ಸುಲಭೋ ಭಕ್ತಿಯುಕ್ತಾನಾಂ ದುರ್ದರ್ಶೋ ದುಷ್ಟ ಚೀತಸಾಂ |
ಅನನ್ಯ ಗತಿಕಾನಾಂ ಚ ಪ್ರಭು ಭಕ್ತೈ ಕವತ್ಸಲ |
ಶನೈಶ್ವರ ತತ್ರ ನೃಸಿಂಹ ದೇವ ಚಕಾರಾಮಲಚಿತ್ತವೃತ್ತಿ |
ಪ್ರಣಮ್ಯ ಸಾಷ್ಟಾಂಗಮಶೇಷ ಲೋಕ ಕಿರೀಟ ನೀರಾಜಿತ ಪಾದ ಪದ್ಮಂ || 1 ||

ಶ್ರೀ ಶನಿದೇವರು ಸ್ತೋತ್ರ ಮಾಡಿದ್ದು

ಶ್ರೀ ಶನಿರುವಾಚ :-
ಯತ್ಪಾದ ಪಂಕಜರಜಃ ಪರಮಾದರೇಣ
ಸಂಸೇವಿತಂ ಸಕಲ ಕಲ್ಮಷ ರಾಶಿನಾಶಮ್ |
ಕಲ್ಯಾಣಕಾರಕ ಮಶೇಷ ನಿಜಾನುಗಾನಾಂ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 2 ||

ಸರ್ವತ್ರ ಚಂಚಲತಯಾ ಸ್ಥಿತಯಾಪಿ ಲಕ್ಷ್ಮ್ಯಾಃ
ಬ್ರಹ್ಮಾದಿ ವಂದ್ಯಪದಯಾ ಸ್ಥಿರಯಾನ್ಯಸೇವಿ |
ಪಾದಾರವಿಂದ ಯುಗಳಂ ಪರಮಾದರೇಣ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 3 ||

ಯದ್ರೂಪಮಾಗಮಶಿರಃ ಪ್ರತಿಪಾದ್ಯಮಾದ್ಯಂ
ಆಧ್ಯಾತ್ಮಿಕಾದಿ ಪರಿತಾಪಹರಂ ವಿಚಿಂತ್ಯಂ |
ಯೋಗೀಶ್ವರೈಃ ಅಪಗತಾಖಿಲ ದೋಷಸಂಘೈಃ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 4 ||

ಪ್ರಹ್ಲಾದ ಭಕ್ತ ವಚಸಾ ಹರಿರಾವಿರಾಸ
ಸ್ತಂಭೇ ಹಿರಣ್ಯಕಶಿಪುಂ ಯ ಉದಾರಭಾವಃ |
ಉರ್ವೋರ್ನಿಧಾಯ ತದುದರೋ ನಖರೈರ್ದದಾರ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 5 ||

ಯೋ ನೈಜ ಭಕತ ಮನಲಾಂಬುಧಿ ಭೂಧರೋಗ್ರ
ಶೃಂಗ ಪ್ರಪಾತ ವಿಷದಂತಿ ಸರೀಸೃಪೇಭ್ಯಃ |
ಸರ್ವಾತ್ಮಕಃ ಪರಮಕಾರುಣಿಕೋರರಕ್ಷ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 6 ||

ಯನ್ನಿರ್ವಿಕಕಾರ ಪರರೂಪ ವಿಚಿಂತನೇನ
ಯೋಗೀಶ್ವರಾ ವಿಷಯ ವೀತ ಸಮಸ್ತರಾಗಾಃ |
ವಿಶ್ರಾಂತಿ ಮಾಪುರ ವಿನಾಶವತೀಂ ಪರಾಖ್ಯಾಂ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 7 ||

ಯದ್ರೂಪಮುಗ್ರ ಪರಿಮರ್ದನ ಭಾವಶಾಲಿ
ಸಂಚಿಂತ ನೇನ ಸಕಲಾಘ ವಿನಾಶಕಾರಿ |
ಭೂತ ಜ್ವರಗ್ರಹ ಸಮುದ್ರದ್ಭವ ಭೀತಿನಾಶಂ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 8 ||

ಯಸ್ಯೋತ್ತಮಂ ಯಶ ಉಮಾಪತಿ ಪದ್ಮಜನ್ಮ
ಶಕ್ರಾದಿ ದೈವತ ಸಭಾಸು ಸಮಸ್ತ ಗೀತಂ |
ಶಕ್ತೈವ ಸರ್ವಶಮಲ ಪ್ರಶಮೈಕ ದಕ್ಷಂ
ಸತ್ವಂ ನೃಸಿಂಹ ಮಯಿ ದೇಹಿ ಕೃಪಾವಲೋಕಮ್ || 9 ||

ಏವಂ ಶ್ರುತ್ಯಾ ಸ್ತುತಿಂ ದೇವಃ ಶನಿನಾಕಲ್ಪಿತಾಂ ಹರಿಃ |
ಉವಾಚ ಬ್ರಹ್ಮವೃಂದಸ್ಥಂ ಶನಿಂ ತಂ ಭಕ್ತವತ್ಸಲಃ || 10 ||

ಶ್ರೀ ನೃಸಿಂಹ ಉವಾಚ
ಪ್ರಸನ್ನೋಹಂ ಶನೇ ತುಭ್ಯಂ ವರಂ ವರಯ ಶೋಭನಂ |
ಯಂ ವಾಂಛಸಿ ತಮೇವ ತ್ವಂ ಸರ್ವಲೋಕಹಿತಾವಹಂ || 11 ||

ಶ್ರೀ ಶನಿರುವಾಚ
ನೃಸಿಂಹ ತ್ವತಂ ಮಯಿ ಕೃಪಾಂ ಕುರು ದೇವ ದಯಾನಿಧೇಃ |
ಮದ್ವಾಸರಸ್ತ್ವತ್ ಪ್ರೀತಿಕರಸ್ಯಾತ್ ದೇವತಾಪತೇ || 12 ||
ಮತ್ಕೃತಂ ತವತ್ಪರಂ ಸ್ತೋತ್ರಂ ಶೃಣ್ವಂತಿಚ ಪಠಂತಿ ಚ |
ಸರ್ವಾನ್ ಕಾಮಾನ್ ಪೂರಯೇಥಾಸ್ತೇಷಾಂ ತ್ವಂ ಲೋಕಭಾವನಃ || 13 ||

ಶ್ರೀ ನೃಸಿಂಹ ಉವಾಚ
ತಥೈವಾಸ್ತು ಶನೇಽಹಂ ವೈ ರಕ್ಷೋ ಭುವನಮಾಸ್ಥಿತಃ |
ಭಕ್ತಕಾಮಾನ್ ಪೂರಯಿಷ್ಯೇ ತ್ವಂ ಮಮೈಕಂ ವಚಃ ಶ್ರುಣು || 14 ||
ತ್ವತ್ಕೃತಂ ಮತ್ಪರಂ ಸ್ತೋತ್ರ ಯಃಪಠೇತ್ ಶೃಣುಯಾಂಚಯಃ |
ದ್ವಾದಶಾಷ್ಟಮ ಜನ್ಮಸ್ಥಾತ್ ತ್ವದ್‍ಭಯಂ ಮಾಸ್ತು ತಸ್ಯವೈ || 15 ||
ಶನಿರ್ನರಹರಿಂ ದೇವಂ ತಥೇತಿ ಪ್ರತ್ಯುವಾಚ ಹ
ತತಃ ಪರಮಸಂತುಷ್ಟೋ ಜಯೇತಿ ಮುನಯೈವದನ್|| 16 ||

ಶ್ರೀ ಕೃಷ್ಣ ಉವಾಚ (ಧರ್ಮರಾಜನಿಗೆ ಶ್ರೀ ಕೃಷ್ಣ ದೇವರು ಹೇಳಿದ್ದು)
ಇತ್ಥಂ ಶನೈಶ್ವರಸ್ಯಾಥ ನೃಸಿಂಹ ದೇವ| ಸಂವಾದಮೇತತ್ ಸ್ತವನಂ ಚ ಮಾನವಃ|
ಶ್ರಣೋತಿ ಯಃ ಶ್ರಾವಯತೇ ಚ ಭಕ್ತ್ವಾ ಸರ್ವಾಣ್ಯಾಭಿಷ್ಟಾನಿ ಚ ವಿಂದತೇ ಧ್ರುವಂ|

|| ಇತಿ ಗಂಗಾಮಾಹಾತ್ಮೇ ರಕ್ಷೋಭುವನ ಪ್ರಸ್ತಾವೇ ಶ್ರೀ ಶನೈಶ್ವರ ಕೃತ ಶ್ರೀ ನೃಸಿಂಹ ಸ್ತುತಿಃ ಸಂಪೂರ್ಣಂ||